TOARCIS vel TUARCIUS

TOARCIS, vel TUARCIUS

castrum Galliae veterrimum, in Aquitania, ante annos 900. nobilissimum et munitissimum, sub proprio olim Comite: expugnatum est a Pipino, tertio in aquitaniam movente, una cum civitate Biturigum, A. C. 762. Hodie Toars, vel Tovars. Non longe Lausdunô et Moncontoriô abest, in finibus Pictonum, Vicecomitatûs quondam, hinc Rigordus in gestis Philippi Aug. Gundonis Vicecomitis Toarcii, omnes fere Pictones potentiâ praecellentis, meminit: nunc Ducatus titulô illustre, a Tremolliae dominis pridem possidetur. Caput est Vicariae Toarcensis Viguierae, quô nomine ager loci aut castri, cui suus erat Vicecomes, saepe pro Vicecomitatu, apud Auctores venire solet. In hac villae Glandis, et fluvii Argentarii, vulgo Argenton, qui in Toedum defluit, meminit Lil. Giraldus l. de Turtiniaco, apud Hadr. Vales. Notit. Gall.